വിവാഹം : ഒരു ഫേസ്ബുക്ക് അപ്ഡേറ്റ്
-------------------------------------------------------------------------
സുരേഷേട്ടാ.......
ഭാര്യയുടെ വിളികേട്ട് പത്രത്താളിൽ നിന്നും മെല്ലെ കണ്ണെടുത്ത് ഞാൻ ശബ്ദം കേട്ട ഭാഗത്തേക്ക് നോക്കി.
ഞാൻ കണ്ട കാഴ്ച ലോകത്തെ ഏതു ഭർത്താവിനെയും ഒന്ന് ഞെട്ടിക്കും. എന്താന്ന് അല്ലെ; ഓണ് ആയിരിക്കുന്ന എന്റെ ലാപ്ടോപ്പിൽ എന്റെ ഫെസ്ബുക്ക് അക്കൗണ്ട് ഭാര്യ നോക്കുന്നു. പക്ഷെ ഞാൻ ഞെട്ടിയില്ല, കാരണം എന്റെ ഫേസ്ബുക്ക് അക്കൗണ്ട് ആര് നോക്കിയാലും ഒരു കുഴപ്പവും ഇല്ല; അതിൽ ഒരു സ്വകാര്യവും ഇല്ലാ.
എന്താ രായു കുട്ടാ? . ഞാൻ ചോദിച്ചു.
സുരേഷേട്ടാ ഈ പെണ്കുട്ട്യോള് എന്തിനാ കല്യാണം കഴിയുമ്പോൾ ഫേസ്ബുക്കിൽ അവരുടെ കല്യാണ ഫോട്ടോ ഇടുന്നേ ?
പകച്ചു പോയി എന്റെ ധാബത്യം ......
അടുക്കള ഭരണവുമായി കഴിയുന്ന എന്റെ ഭാര്യക്ക് കമ്പ്യൂട്ടർ , ഇന്റർനെറ്റ് , മുതലായവയുമായി വലിയ അടുപ്പം ഇല്ലാ.
ഒരു കണക്കിനു അതാ നല്ലത്.
ചേട്ടാ അത് അപ്ഡേറ്റ് ചെയ്തോ, ഇത് അപ്ഡേറ്റ് ചെയ്തോ എന്നൊന്നും കേൾക്കേണ്ടല്ലോ.
അതായതു മോളു ...... ഞാൻ ഒന്ന് നിർത്തി.
"എന്റെ കല്യാണം കഴിഞ്ഞെടാ "പട്ടികളെ"; ഇനി നീ ഒന്നും എന്റെ പുറകെ നടന്നു എന്നെ ശല്യപ്പെടുതരുത്; വെറുതെ ഫേസ്ബുക്കിൽ ചാറ്റ് ചെയ്യാൻ വന്നേക്കരുത്; ഇപ്പോൾ എന്റെ കാര്യങ്ങള് നോക്കാൻ വേറെ ആളുണ്ടാടാ" ഇതൊന്നു പറയാതെ പറയണം. അതിനാ കല്യാണ ഫോട്ടോ പെണ്കുട്ടികൾ ഫേസ്ബുക്കിൽ ഇടുന്നത്.
അത് എന്താ സുരേഷേട്ടാ പട്ടികളെ എന്ന് പറഞ്ഞപ്പോൾ അവിടെ ഒരു കടുപ്പം.
ഞാൻ ഒന്ന് ചിരിച്ചു, കൂടെ അവളും ചിരിച്ചു.
മോളു , പട്ടിയെന്നു തറപ്പിച്ച് പറയാൻ കാരണം, കല്യാണം കഴിയുന്നതുവരെ ഈ പെബിള്ളേർക്ക് എല്ലാത്തിന്നും ഈ ഫേസ്ബുക്ക് ചെക്കൻമാരുടെ സഹായം വേണം. ആ സമയം കന്നി മാസത്തിൽ, ആണ് പട്ടികൾ, പെണ് പട്ടികളുടെ പുറകെ മണപ്പിച്ചു നടക്കുനതു പോലെ, ഈ ചെക്കന്മാർ മണപ്പിച്ചു നടക്കും, അപ്പോളൊന്നും അവളുമാർക്ക് ഒരു കുഴപ്പോം ഇല്ലാ. കല്യാണം കഴിഞ്ഞാൽ, സീൻ മൊത്തം കോണ്ട്രയായി. പിന്നെ അവളുമ്മാർക്കു അവരെ ആലുവ മണപ്പുറത്ത് കണ്ട പരിചയം പോലും കാണത്തില്ല. അതാ ഞാൻ പട്ടീന്നു പറഞ്ഞപ്പോൾ ഇത്തിരി കടുപ്പിച്ചേ.
രായു എല്ലാം മനസ്സിലായെന്ന പോലെ ഒന്ന് കുണിങ്ങി ചിരിച്ചു. അത് എന്നിലും ചിരി പടർത്തി.
ഇതിനിടയിൽ അപ്രതീക്ഷിതമായി രായുവിന്റെ മറ്റൊരു ചോദ്യം വന്നു.
സുരേഷേട്ടാ , അപ്പളേ , ഈ ആണ്കുട്ട്യോള് എന്താ കല്യാണ ഫോട്ടോ ഫേസ്ബുക്കിൽ ഇടാത്തേ ?
പട്ടികയ്ക്കു അടി കിട്ടിയത് പോലെയായി ഞാൻ.
ങേ ....... എന്നിൽ നിന്നും ഒരു ശബ്ദം പുറപ്പെട്ടു.
"കഷ്ട്ടകാലം വന്നത്, ആരെങ്കിലും നാട്ടുകാരേ വിളിച്ച് അറിയിക്കോ?" ഞാൻ അറിയാതെ പറഞ്ഞുപോയി.
ഈശ്വരാ ........ പറഞ്ഞു കഴിഞ്ഞപ്പോൾ ആണ് ഭാര്യ അടുത്തുണ്ടെന്നുള്ള കാര്യം ഞാൻ ഓർത്തത്.
എന്താ സുരേഷേട്ടാ ,
കഷ്ട്ടകാലോ ?
ഞാൻ ഒന്നും കേട്ടില്ല. രായു എന്നോടായി പറഞ്ഞു.
ഈശ്വരാ, നീ എന്നെ കാത്തു, രായു അത് കേട്ടിരുന്നെങ്കിൽ ഒരു വലിയ കുടുംബ കലഹം ..............
ഹോ ....... ഞാൻ ഒന്ന് ദീർഘമായി നിശ്വസിച്ചു.
അതായത് രായു, അതൊക്കെ ഇടുന്നത് കഷ്ട്ടപാടല്ലേന്ന് പറഞ്ഞതാ. ആണുങ്ങക്ക് അത്രേം ക്ഷമ കാണില്ലാ.
ഫോട്ടോ സ്കാൻ ചെയ്യണം, അപ്ലോഡ് ചെയ്യണം ........
ഞാൻ അങനെ ഓരോന്നും പറഞ്ഞുകൊണ്ടിരുന്നു. ഇതൊക്കെ കേട്ട് രായു തലയാട്ടുന്നുണ്ടായിരുന്നു.
ഒരു കുടുംബ വഴക്ക് സോൾവ് ആയതിന്റെ സന്തോഷത്തിൽ ഞാൻ ഇരിക്കുമ്പോൾ , എന്റെ ലാപ്ടോപ്പിൽ എന്റെ ഫേസ്ബുക്ക് അക്കൗണ്ട് അപ്പോളും ഓപ്പണ് ആയിരിക്കുന്നുണ്ടായിരുന്നു.......
.
